باستخدامك منصة فوكس لإدارة وحلول الأعمال فإنك توافق على الشروط دي. لو مش
موافق على أي بند فيها، من فضلك ما تستخدمش المنصة.
١. الحساب
الحساب شخصي لصاحبه وحده. ممنوع مشاركة اسم المستخدم أو كلمة المرور مع أي حد
تاني، وممنوع استخدام حساب واحد لأكتر من شخص. إحنا بنسجّل مرات الدخول، ومشاركة
الحساب سبب كافٍ لإيقافه من غير استرداد.
أنت مسؤول عن صحة البيانات اللي بتسجّلها وعن الحفاظ على سرية كلمة المرور.
٢. المحتوى والملكية الفكرية
كل الدورات والمواد التدريبية والفيديوهات والمستندات والمحتوى الرقمي المتاح
على المنصة ملكية فكرية خالصة لـفوكس لإدارة وحلول الأعمال.
ممنوع منعًا باتًا نسخ أو تسجيل أو تحميل أو مشاركة أو توزيع أو إعادة إنتاج أي
محتوى بأي صورة من غير إذن كتابي مسبق.
المواد متاحة لغرض التعلّم الشخصي فقط، وما ينفعش يعاد استخدامها أو نشرها
خارج المنصة. أي استخدام غير مصرّح به ممكن يترتب عليه إيقاف الحساب فورًا
واتخاذ الإجراءات القانونية.
٣. الأسعار والدفع
الأسعار معروضة بالدولار الأمريكي، وبتضاف عليها ضريبة القيمة المضافة
المصرية بنسبة ١٤٪ وبتبان في صفحة الدفع قبل التأكيد.
الدفع حاليًا بالتحويل اليدوي عن طريق إنستاباي: بتحوّل
المبلغ، وترفع صورة الإيصال من صفحة الدفع، وبعدين إحنا بنراجعه يدويًا.
الوصول للدورة بيتفتح بعد اعتماد الإيصال، مش لحظة الرفع.
المراجعة بتتم في أيام العمل.
لو الإيصال مرفوض أو المبلغ ناقص، هنتواصل معاك على الإيميل المسجّل في
الحساب.
٤. الوصول للدورة
بعد الاعتماد بيبقى لك حق مشاهدة الدورة من خلال حسابك على المنصة. المشاهدة
أونلاين فقط؛ مفيش تحميل، وده مقصود.
لو احتجنا نعدّل محتوى دورة أو نحدّثه، التعديل بيتاح لك من غير أي رسوم
إضافية.
٥. الاسترداد
طلبات الاسترداد بتتبعت على
training@foxcourses.com وبتتراجع كل حالة على حدة حسب ظروفها
وحسب قد إيه المحتوى اتشاهد. ردّنا بيوصلك بالإيميل.
٦. الشهادات
الشهادة بتصدر بعد استيفاء متطلبات الدورة، وبتحمل الاسم المسجّل في حسابك —
فمن فضلك اتأكد إن اسمك مكتوب صح قبل ما تخلّص الدورة.
٧. إيقاف الخدمة
من حقنا إيقاف أي حساب يخالف الشروط دي، وبالذات بنود مشاركة الحساب والملكية
الفكرية.
٨. القانون الواجب التطبيق
الشروط دي بتخضع لقوانين جمهورية مصر العربية، والمحاكم المصرية هي المختصة
بأي نزاع.
٩. التعديلات والتواصل
ممكن نعدّل الشروط دي، والنسخة السارية هي المنشورة على الصفحة دي.
لأي استفسار: training@foxcourses.com — 02-3761-8482 — 0121-111-8700
الدقي، شارع إيران، الدور الخامس (أعلى مكتب جريدة الشروق)، الجيزة، مصر
